आदरणीय पत्रकार बन्धु
हिन्दू समाज ‘बसुधैव कुटुम्बकम’ अर्थात विश्व एक परिवार हुन भन्ने मान्यतामा विश्वास गर्ने शान्तिप्रीय समुदाय हो । हिन्दू समाज सारा विश्व कल्याणको कामना गर्ने समुदाय हो । हिन्दू समुदाय कहिकतै अन्य समुदायलाई हानी गर्ने कार्य गर्न रुचाउदैन त्यसका बावजुद हिन्दू समुदायलाई लक्षित गरी गराईको घटनाक्रमहरु चिन्तनीय विषय हो । हिन्दू धर्म मास्न विधर्मी शक्तीहरुले विभिन्न प्रपञ्चहरु रच्दै आईरहेको तथ्य जगजाहेर नै छ ।
हिन्दू धर्ममाथि लक्षित गर्दै गराईएका निम्न घटनाक्रमले विश्व हिन्दू परिषद नेपालको गम्भीर ध्यानार्षण गराएको छ ।
१. लव जिहाद अन्तर्गत सुश्री कविता कार्कीमाथि एसिड आक्रमण : लव जिहाद अन्तर्गत काठमाडौंको सीतापाइलामा ओखलढुंगा निवासी सुश्री कविता कार्कीमाथि एसिड आक्रमण गरियो । प्रेम प्रस्ताव अस्वीकार गरेपछि नेपालको रौतहट जिल्लाका ४७ वर्षीय मोहम्मद आलमले एसिड प्रहार गरेका थिए । उक्त आक्रमणपछि विश्व हिन्दू परिषद नेपालले आरोपितलाई कडा कारबाही गर्न दवावमुलक कदम चाल्योे । पीडित पवित्रा कार्कीको स्वास्थ्य उपचारका लागि परिषद्ले आर्थिक सहयोग पनि उपलब्ध गरायो ।
२. सप्तरी जिल्लामा मूर्ति तोडफोड गरी आगजनी गरेको : सप्तरी जिल्लामा रहेका दुई मन्दिरमा अज्ञात समूहले मूर्तिहरू तोडेर जलाइदिए । परिषदले दोषीलाई कारबाही गर्न स्थानीय प्रशासन सँग माग गर्यो ।
३. सुनसरी जिल्ला, हरिनगर गाउँपालिकामा मन्दिर तोड्ने षडयन्त्र : विकासको नाममा हरिनगर गाउँपालिकाका अध्यक्ष गफार मियाँले सो गाउँपालिकामा रहेको शिव मन्दिर तोड्न षडयन्त्र रचेको घटना सार्वजनिक भएको छ । स्थानीयका अनुसार बाटो विस्तारका लागि प्रयाप्त ठाउँ हुदा हुदै पनि मन्दिरलाई नै भत्काएर बाटो विस्तार गर्ने षडयन्त्र रचेको छ । मन्दिरको पक्ष आवाज उठाउने एक युवालाई झुठा मुद्दामा फसाई स्थानीय हिन्दू समुदायमाथि अध्यक्ष गफार मियाँले दमन गरेको छ ।
४. गाई तस्करी र गौहत्या : गत महिनामा गौहत्याको आधा दर्जन घटनाहरू प्रकाशमा आएका छन्। सबै गौ हत्यारहरुलाई पक्राउ गरिएको छ र प्रशासनले कारबाही गरेको छ । हालसालै परिषद्का कार्यकर्ताहरूले जनकपुरधामबाट २ गाई तस्करहरुलाई नियन्त्रणमा लिएको र नेपाल प्रहरीलाई बुझाएको थियो । दुबै गाई तस्करहरूको बिरूद्ध कानुनी कारबाही शुरू गरिएको छ ।
५. स्व. श्री राम साह हत्या प्रकरणः रौतहट जिल्लामा एक हनुमान मन्दिरका पुजारीको गोली हानी हत्या गरियो । गृह मन्त्रालयले सबै जिल्लामा सन्तको हत्या विरुद्धको आन्दोलन रोक्न प्रहरीलाई निर्देशन जारी गरेको थियो । त्यसको बाबजुद पनि, सन्तको हत्याको विरोधमा परिषद्ले देशभर प्रदर्शन गरे । उक्त प्रदर्शनपछि प्रशासन पर्याप्त दबाबमा पर्यो र दुई अभियुक्तलाई पक्राउ गरी कारवाही शुरू गर्यो । सरकारले सोही मन्दिरको नजिक विशाल मन्दिरको निर्माणको लागि शिलान्यास पनि ग¥यो । विश्व हिन्दू परिषद नेपालको पहलमा स्व. पूजारी श्रीराम साहको शालिक निर्माण गर्ने योजना रहेको छ ।
६. रातो मच्छिन्द्रनाथ रथ यात्रामा प्रशासनको दमन : काठमाडौंमा बस्ने नेवार समुदायको लागि विशेष मानिने रातो मच्छिंद्रनाथ रथ यात्राको क्रममा नेपाल प्रहरीले स्थानीय नेवार समुदायमाथि बर्वर दमन ग¥यो । पुलिसको कारबाहीमा दर्जनौं स्थानीय युवा घाइते भए । पुलिसले सयौं युवालाई पक्राउ गरेका थियो । यस घटनाको बारेमा विश्व हिन्दू परिषद नेपालले काठमाडौं, ललितपुर र भक्तपुर जिल्लाका प्रमुख जिल्ला अधिकारीहरुलाई ज्ञापन पत्र दियो ।
७.मौलानालाई पुजारीको संज्ञा दिदै हिन्दू पुजारी विरुद्ध दुष्प्रचार : केही महिना पूर्व बलात्कार गरेको आरोपमा मौलानालाई नेपालगंजको एउटा मजारबाट पक्राऊ गरियो । विभिन्न सञ्चार माध्यमहरुले मौलानालाई पूजारीको संज्ञा दिदै हिन्दू पुजारीको चरित्रमा आँच आउने गरी दुष्प्रचार गरेका थिए । विश्व हिन्दू परिषद नेपालले तत्काल यो कुरालाई गम्भीरताका साथ लिए र यस समाचारको खण्डन ग¥यो । विश्व हिन्दू परिषद नेपालले ति सबै सञ्चार माध्यमलाई समाचार सच्याउन अनुरोध गरे, ततपश्चात सञचार माध्यमले माफी माग्दै र पुजारी शब्द हटाएर समाचार पुनः प्रसारण गरे ।
८.राष्ट्रिय झण्डा जलाउने भिडियो प्रसारण : मंगोल नेशलन अर्गनाइजेशन नामक हिन्दू विरोधी संगठनका कार्यकर्ताले नेपालको राष्ट्रिय झण्डा जलाउदै एवं राष्ट्रिय पोशाकलाई अपमान गर्दै म्युजिक भिडियो सार्वजनिक गरेको थियो । जसका कारण सारा देशभरि आक्रोशको वातावरण सिर्जना भयो । विश्व हिन्दू परिषद नेपालले राष्ट्रपति, प्रधानमन्त्री र गृह मन्त्रीलाई यस मुद्दाको बारेमा ज्ञापन पत्र बुझाउँदै घटनाबारे सरकारलाई ध्यानार्षण गरायो । ततपश्चात नेपाल सरकारले उक्त अपराधीलाई पक्राउ गरी कानूनी कारवाही शुरू गर्यो ।
९. जनकपुरधाममा मन्दिर तोडफोड : जनकपुरधाम स्थित नुनिया कुटी एवं रसिक विहारी तेली कुटीमाथि भूमाफियाहरुद्वारा तोडफोड एवं पुजारीमाथि आक्रमणको प्रयास गरिएको थियो । घटनाको निन्दा गर्दै दोषी उपर कारवाहीको लागि विश्व हिन्दू परिषद नेपाल आवाज उठाउदै आएको छ ।
१०.सर्लाहीमा भगवान विश्वकर्माको प्रतिमा विर्सजनको क्रममा आक्रमण : सर्लाही जिल्लामा हालै भगवान विश्वकर्माको मुर्ति विर्सजन गर्ने क्रममा स्थानीय मुस्लिमहरुले आक्रमण गरेको थियो । मुर्ति विसर्जनका क्रममा बाटो प्रयोग गरेको निहुमा मुस्लिमहरुले देशका विभिन्न जिल्लाहरुमा हिन्दूमाथि आक्रमण गर्दै आइरहेको छ । प्रदेश नं. २ मा हिन्दूहरुमाथि श्रृंखलाबद्धरुपमा आक्रमण गरिदै आएको छ ।
११. कोरोना महामारीको नाममा हिन्दू चाडपर्वलाई मात्र अवरोध : हालै हातहतियार सहित सुसज्जित भई देशभर मुस्लिम समुदायको मुहर्रम पर्व भीडभाडका साथ मनाईएको छ । उक्त पर्वमा सरकारले कहिकर्त रोकटोक गरेको देखिएन । तर कोरोना महामारी नियन्त्रण गर्ने बहानामा हिन्दू समुदायका पर्वलाई मात्र रोक्ने कार्य सरकारले गरेको छ । सरकारको यस्तै रवैया रह्यो भने हिन्दू समुदाय विद्रोह गर्ने निश्चित छ र ततपश्चात सिर्जना हुने परिस्थितिको जिम्मेवार सरकार स्वंय हुनेछ ।
बहुसंख्यक हिन्दू समुदाय प्रति सरकारले निर्वाह गर्नुपर्ने दायित्व निर्वाह नगरेको विगतका घटनाक्रमले प्रष्ट हुन्छ । हिन्दू समुदायको हकहीत प्रति सरकारले दोहोरो चरित्र देखाएको छ । सञ्चार माध्यमले देश र जनताको हकहीतमा कलम चलाउदै आएको सर्वज्ञ नै छ । अव धर्म रक्षाका लागि समेत कलम चलाउन अति आवश्यक देखिन्छ । राष्ट्र, धर्म र समाजको पक्षमा कलम चलाउन सम्पूर्ण सञ्चारकर्मी साथीहरुलाई विश्व हिन्दू परिषद नेपाल हार्दिक अपिल गर्दछ ।
जय श्री राम । नेपाल आमाको जय ।।
जितेन्द्र कुमार सिंह
महासचिव
