काठमाडौं– विश्व हिन्दु परिषद नेपालले विखण्डनको षडयन्त्रबारे सचेत रहन अपिल गरेको छ ।
परिषदले एक विज्ञप्ति जारी गर्दै विविधतायुत्त र एकताको बन्धनमा बाँधिएको समग्र हिन्दु समाजलाई तोड्ने प्रयास भइरहेको भन्दै यसबाट सचेत रहन आह्वान गरेको हो ।
परिषदले जारी गरेको विज्ञप्तिमा भनिएको छ, ‘मतभेदका आधारमा मनभेद गरेर प्राचीन ऋषिहरुका सन्तति आजको हाम्रो हिन्दु समाजलाई नै फुटाउने चलखेलले क्रमिक रुपमा निरन्तरता पाएको छ । विखण्डनको बिउ छर्नेहरुको रुप अनेक भएपनि तिनको उद्देश्य एउटै छ हिन्दु समाजमाथि आघात पुर्याउनु ।’
